Священний Синод ухвалив рішення про відзначення тридцять першої річниці Харківського Собору та першої річниці Собору УПЦ, що відбувся у місті Києві.
Відповідно до рішення Священного Синоду, 27 травня у кафедральних соборах усіх єпархій Української Православної Церкви будуть відслужені подячні молебні.
Інформаційно-просвітницький відділ УПЦ публікує відповідні молитовні тексти:
Прохання та молитва на подячному молебні 27 травня 2023 року
На сугубій єктенії:
Еще молимся Тебе, Господу Богу нашему, со умиленным сердцем и благодарением о милостех и щедротах изобильно во вся дни на нас изливающему, яко призрел еси на Святую Церковь Украинскую во всей стране нашей пребывающей, во дни Соборов архипастырей, пастырей и верных чад Твоих, иже Духом премудрости, разума, страха Божия, духом благочестия и ревности ради славы имени Твоего Святаго благоугодно совершиша устроение Церкви нашея, рцем вси, Господи, услыши и помилуй.
Еще молимся о Церкви нашей Украинстей, во еже оградити Ю от всяких искушений, соблазнов и разделений, замышляющих же против Нея посрамити и вразумити, да непреткновенно в любви и единомыслии совершим подвиг спасения нашего, молимся Тебе, Всещедрый Господи, услыши и помилуй.
Молитва:
Всевышний Боже, Владыко и Промыслителю всея твари, наполняяй вся величеством Твоим и содержай силою Твоею. К Тебе Великодаровитому Господу нашему со благодарением припадаем, сердцем смиренным и усердною молитвою о всех благодеяниих, яже излиял еси на Церковь Твою от лет древних и до сего дне во Отечестве нашем пребывающей.
Ты бо, Господи, Духом Твоим Святым глаголал еси чрез избранных Твоих, влагая в серца их благая о Церкви Твоей, умудряя верных служителей Твоих, архипастырей, пастырей и всех верных чад во дни Соборов Церкви нашея сугубо трудившихся во утверждение истинныя веры во стране нашей.
О сих всех благодарим Тя и просим со смирением и сокрушенным сердцем, не оставляй и на будущее время Церковь Твою и нас, верных чад Ея, молитвами Преблагословенныя Владычицы нашея Богородицы и всех святых земли нашея, подвигом добрым веру Православную сохранших. Да пребывающе под кровом Твоея милости Тебе поживем, нашему Владыце и Благодетелю, и Тебе славу и благодарение возсылаем Отцу и Сыну и Святому Духу ныне и присно во веки веков. Аминь.
За матеріалами: https://news.church.ua